Entre as actividades realizadas polo comité durante estes anos pódense destacar as seguintes:

• A súa función ao servizo da Xunta de Galicia, asesorándoa sobre todos os temas relacionados co Camiño de Santiago: itinerarios, publicacións, centros de estudos, congresos, exposicións, revistas...
• A edición de decenas de publicacións científicas na Colección Científica da Xunta de Galicia.
• A dirección e organización de 8 congresos internacionais.
• A creación de novos proxectos e liñas de investigación que se adaptan ás novas tecnoloxías e á necesidade de estar cada vez máis presentes na rede.
• A publicación da revista de investigación xacobea Ad Limina, con carácter multidisciplinar e multilingüe, editada desde 2010 pola S.A. de Xestión do Plan Xacobeo (desde 2016, coeditada por Turismo de Galicia).
• O traballo de produción de coñecemento e promoción cultural do máximo nivel que os seus membros desenvolveron nos seus respectivos países, difundindo as publicacións científicas da Xunta, dirixindo revistas, teses e investigacións sobre o fenómeno xacobeo no seu territorio e idioma, etc.
• A creación e mantemento de centros de estudos xacobeos no estranxeiro, como o Centre d´Etudes Compostellanes de París e o Centro Italiano dei Studi Compostellani dei Perugia.

O Comité está formado actualmente polos seguintes membros: