Desde o comezo da súa carreira universitaria, a súa actividade investigadora foise orientando cara ao estudo dos grandes señoríos monásticos, as fontes documentais hispanas e o Camiño de Santiago. En suma, a súa análise céntrase en todo o referente ao ámbito cultural ao longo da Idade Media.

É autor de máis de setenta artigos e de varios libros sobre relacionados con estas especialidades, entre os que destacan os dedicados aos mosteiros rioxanos de Valvanera, San Prudencio de Monte Laturce e San Millán de la Cogolla, así como á Orde de San Xoán de Xerusalén. Do mesmo xeito, investigou sobre o Camiño de Santiago e sobre a figura, tanto real como ficticia, do Apóstolo.

Xunto con Claudio García Turza, dedicou máis dunha década ao estudo das glosas e os glosarios hispánicos da Idade Media, fundamentais para o coñecemento da cultura altomedieval e para a investigación das orixes do romance español, cuxos resultados tiveron unha marcada difusión en todo o ámbito hispano e posibilitaron a declaración do mosteiro de San Millán como Patrimonio Mundial pola UNESCO.