Preparación física e mental
Un adestramento previo e unha planificación personalizada son fundamentais na preparación. Quentar e estirar os músculos durante o camiño evitará lesións.
Se optamos por facer o camiño a pé, debemos adestrar con etapas de entre 23 e 30 km. O calzado ha de suxeitar ben o nocello, e a mochila adaptarase ao contorno das costas. Xeonllos, tendóns e pés serán os nosos puntos débiles.
Debemos coidar os pés cunha crema antifatiga, levar calcetíns de algodón e sen costuras, e o calzado ha de estar xa adaptado. A mochila deber ser lixeira e ha de incluír unha pequena caixa de primeiros auxilios. As comidas serán pouco copiosas e os descansos, breves e periódicos.
As paradas axudan a despexarnos mentalmente e facilitan a relaxación. Se chegamos a esgotarnos, tardaremos máis en recuperarnos e farémolo con maior dificultade.