Foi alcalde de Saluzzo por primeira vez en 1988, e logo foi reelixido en 1990, deixando o cargo en 1993.

Sendo profesor titular de Filoloxía Románica na Facultade de Letras e Filosofía da Universidade de Trieste, foi elixido director do Departamento de Linguas dos Países Mediterráneos e do Departamento de Ciencias Históricas, Filosóficas e Lingüísticas ata 2011, ademais de académico eminente da Universidade de Trieste.

 Desde 1985 é colaborador do LEI, Lessico Etimologico Italiano, dirixido polo profesor doutor Max Pfister da Universidade de Saarbrücken; desde 1999 é membro do consello de redacción do Bollettino della Società per gli Studi Storici, Archeologici ed Artistici della Provincia di Cuneo; e, desde 2007, membro do comité científico de Compostella, revista do Centro Italiano di Studi Compostellani da Universidade de Perugia.

En maio de 2009 é elixido membro da Société des Antiquaires de Normandie e, en 2012, membro do Comité Scientifique de la Revue du Centre d' Etudes, de Recherche et d'Histoire Compostellanes, de París, e do Comité scientifique des Chemins de saint Michel, de Avranches.

O 19 de maio de 2015 foi designado Associé Correspondant Etrangér da Société Nationale des Antiquaires de France, Louvre, París.

En 2023, o presidente da Xunta de Galicia elixiuno membro do Comité Internacional de Expertos do Camiño de Santiago e, recentemente, en xuño de 2023, foi nomeado director da Biblioteca Diocesana de Saluzzo polo bispo monseñor Cristián Bodo.

É coeditor da colección cultural, filolóxica e de literatura románica medieval I libri del Cavaliere Errante (Editorial Dell'Orso, Turín).

Editou varios textos en latín medieval, italiano e as súas variedades dialectais, francés antigo, provenzal, franco-provenzal, catalán, español e galego-portugués.

Os seus campos de estudo son a edición de textos, en manuscritos e representacións murais, das áreas italiana, francesa, provenzal e ibérica dos séculos XIV-XV e, en particular, as relacións entre o escrito e a tradición expresada en imaxes, con preferencia polas haxiografías, os cantares de xesta, os tratados de cetrería, as "enciclopedias" populares, o teatro sacro e as narracións apócrifas, as viaxes, as cancións históricas, o xénero odepórico, os antigos textos piamonteses e a cultura literaria do marquesado de Saluzzo.

Desde 2017 é xefe do Grupo FAI de Saluzzo e desde 2019 é xefe da Delegación FAI de Saluzzo, sendo reconfirmado no cargo ata o 2024.

De 2019 a 2023 foi presidente da Fondazione Cassa di Risparmio di Saluzzo.

Para consultar a lista actualizada de publicacións, véxase a páxina web:

http://opac.regesta-imperii.de/ang_en, Piccat Marco