Idioma 
Etapa Olveiroa - Muxia
Camiño de Fisterra e Muxía
Etapa: Olveiroa - Muxía
Olveiroa- Hospital
Saímos de Olveiroa. O río Xallas flúe impresionante, abrigado entre a vexetación. Cruzamos o río Hospital, entramos no Logoso e logo na aldea de Hospital, un lugar que contou cun modesto hospital para peregrinos, hoxe desaparecido. Pouco despois aparece a rotonda que bifurca os camiños a Muxía e Fisterra.
Olveiroa - Hospital
Hospital- Dumbría
Cruzamos polo Rego de Vao Salgueiro. Alternan asfalto e camiños rurais. Descendemos ata As Carizas, Rego de Cheo e subimos logo a Dumbría. Recíbenos a súa praza con hórreo, cruceiro e igrexa.
Hospital - Dumbría
Dumbría- Senande
Atravesamos o núcleo e chegamos á aldea de Trasufre, dentro xa do concello de Muxía. A través do antigo Camiño Real, alcanzamos Senande.
Dumbría - Senande
Senande- San Martiño
Logo chegamos a Vilastose, Quintáns e Pedregás. Valiosas mostras de arquitectura popular e relixiosa embelecen o camiño, como o conxunto de San Martiño de Ozón.
Senande - San Martiño
San Martiño de Ozón- Santuario da Virxe da Barca
Subimos ata Vilar de Sobremonte e despois descendemos a Merexo. Camariñas divísase, tras o río Grande, alén da ría. Achegámonos aos Muíños e cruzamos o río Negro. A igrexa románica de San Xulián de Moraime, xa inmediata ao mar, transmítenos a súa paz e beleza. Despois das Casas Novas, o monte de San Roque, Chorente, praia de Espiñeirido e, finalmente, Muxía. O santuario da Virxe da Barca, erguido nun lugar impresionante fronte ao mar, marca o final.
