Construída en 1719, pero sofre reformas posteriores. Ten unha nave de planta de cruz latina. A fachada ten dúas torres, construídas en 1958, con dous corpos de arcadas. No seu interior alberga os sepulcros dos condes de Maceda, os que financiaron a obra, e varios retablos, un deles obra de Miguel de Romay.
É un dos santuarios máis antigos de Galicia e a el acoden unha grande cantidade de romeiros. A tradición conta que cando Santiago Apóstol predicaba por Fisterra sufrindo penalidades e desalentos se lle apareceu a Virxe nunha barca de pedra guiada por anxos. Como testemuño desta aparición está a barca coñecida como "Pedra de Abalar" e a vela "Pedra de Os Cadrís", que cura de reuma a todo aquel que pase baixo ela.