Idioma 
Etapa Negreira - Olveiroa
Camiño de Fisterra e Muxía
Etapa: Negreira - Olveiroa
Varios tramos desta etapa coinciden co antigo Camiño Real a Fisterra. A comarca do Xallas regálanos a beleza das súas paisaxes e a xenuína arquitectura popular.
Negreira- Zas
Saímos de Negreira cruzando o río Barcala. Ascendemos ata Negreiroa, pequena aldea que foi o núcleo orixinal de Negreira. Varios tramos coinciden co antigo Camiño Real a Fisterra. Próbao a toponimia ao pasar á beira do Camiño Real ou Portocamiño.
Negreira - Zas
Zas- O Cornado
Cornovo e O Rego de Forxán son os seguintes puntos. O lugar do Cornado é a última poboación do municipio de Negreira, que dá paso ao concello de Mazaricos, xa na comarca do Xallas.
Zas - O Cornado
O Cornado- Santa Mariña
A vexetación autóctona e a beleza das paisaxes presiden estes primeiros quilómetros —toxos e milleirais, piñeiros e eucaliptos…—, xunto cunha xenuína arquitectura popular: hórreos coma o das Maroñas, ou igrexas románicas coma a de Santa Mariña.
O Cornado - Santa Mariña
Santa Mariña- Lago
O monte Aro (556 m) é un dos puntos de maior interese paisaxístico. Desde aquí contémplase parte da comarca da Terra do Xallas. Este territorio é coñecido pola súa artesanía de cestería e tamén polos seus orixinais chapeus femininos de palla.
Tras Aro alcanzamos Campo Valado, Porteliñas e As Abeleiroas.
Santa Mariña - Lago
Lago- Olveiroa
Alcanzamos o miradoiro de Corzón. Ao pasar o núcleo de Mollón, chegamos á ponte do río Xallas, que divide os municipios de Mazaricos e Dumbría. Alcanzamos A Ponte Olveira e logo o centro de Olveiroa, o final da etapa.
