Ponte datada nos s.XVII e XVIII, construída con perfectas pezas de cantería de granito, salvando o curso do río por medio de tres arcos de medio punto con 12 metros de luz e uns 7 metros de altura na parte máis elevada.
Posúe catro tallamares triangulares situados a favor e contra corrente. O taboleiro ten un ancho de pouco máis de 5 metros, sendo substituído o orixinal por un formigón para poder asfaltar a estrada.
A presenza, ás beiras do río, de frondosas carballeiras con terreos baldíos e pastos, fan do entorno un lugar de extrema calma.

Dende a capital municipal do Concello de Dumbría, saír pola estrada DP-3404 dirección Serra de Outes. Atravesar os pobos de Hospital, O Logoso e Olveiroa ata chegar a A Ponte Olveira, onde se atopa a ponte.