Camiño do Norte

Etapa: Mondoñedo-Abadín

  • Lonxitude 12,8 Km
  • Dificultade Media
  • Duración estimada 3h 15min

Os nosos pasos, primeiro en costa pronunciada e logo xa en descenso, seguen unha antiga senda medieval que cruza o fermoso val de Lourenzá e pasa por Mondoñedo, un dos núcleos históricos máis singulares de Galicia.

Vilanova de Lourenzá - Mondoñedo

Mondoñedo - Gontán

Mondoñedo- Abadín

  • Lonxitude 12,8 Km
  • Dificultade Media
  • Duración estimada 3h 15min

Mondoñedo, declarada conxunto histórico-artístico, é unha das sés episcopais galegas de maior tradición cultural e un dos núcleos históricos máis singulares de Galicia. Foi capital de provincia ata 1833. É tamén a cidade natal de escritores como Álvaro Cunqueiro ou músicos como Pascual Veiga (autor do himno galego). A súa magna  catedral merece unha visita polo miúdo, e tamén é coñecida pola súa torta de améndoa e cabelo de anxo. Saímos de Mondoñedo pola rúa José María Pardo pola alameda dos Remedios. Continuamos pola LU-3106 e atravesamos Cesuras, o monte do Pico e o monte de Santa Cruz, ata chegar a Abadín.

Existe un tramo complementario desde Mondoñedo que nos leva directamente ata Abadín (17,20 km). Saímos de Mondoñedo pola Fonte Vella, cara ao sur. Pasaremos a carón de Lousada. Logo de ir pola contorna de Lousada (onde se poden visitar os seus antigos fornos de cal), atravesamos A Xesta e despois Gontán. Baña o frondoso val o río Valiñadares. En Gontán –antes do núcleo de Abadín– atópase o albergue. Abadín é capital de municipio e comezo da comarca coñecida como A Terra Chá.

 

 

Mondoñedo - Abadín

Etapa: Santiago da Ría de Abres-Mondoñedo
Etapa: Abadín-Vilalba