Camiño Primitivo

Etapa: Lugo-San Romao da Retorta

  • Lonxitude 18,8 Km
  • Dificultade Baixa
  • Duración estimada 3h 45min

Aquí optaremos, ou ben por seguir recto camiño arriba (zona das Areeiras), ou ben á dereita, paralelos ao río e ás instalacións deportivas do club fluvial, e á capela e ao barrio de San Lázaro.

Lugo-San Romao da Retorta

Lugo- San Vicente do Burgo

  • Lonxitude 10 Km
  • Dificultade Baixa
  • Duración estimada 2h 00min

Etapa curta, de 18 km. A saída da muralla emprendémola ben pola Porta Miñá (ou Porta do Carme), a máis antiga e xenuína da Muralla, ou pola Porta de Santiago, diante da fachada neoclásica da catedral. Seguiremos camiño abaixo seguindo o trazado dunha oculta calzada romana, ata cruzarmos o río Miño —tamén a través da ponte de orixe romana—. Chegamos ao barrio da Ponte. Cruzada a ponte, á dereita, sempre camiñamos paralelos ao río e ás instalacións deportivas do Club Fluvial e á capela e barrio de San Lázaro.

Paga a pena desviarse da ruta para visitar o enigmático templo de Santalla de Bóveda, de época tardorromana (século IV), declarado Monumento Nacional en 1931. Por diante do templo pasa a Via Romana XIX, que comunicaba Bracara Augusta (Braga) con Lucus Augusti (Lugo) a través de Iria Flavia (Padrón). De regreso ao camiño, alcanzamos o lugar de Bacurín, onde se alza a igrexa románica de San Miguel e a aldea do Francés (tamén coñecida como Hospital).

Lugo - San Vicente do Burgo

Limpar Buscar
Pechar

Exterior do templo de Santalla de Bóveda

Interior do templo de Santalla de Bóveda

San Vicente do Burgo- San Romao da Retorta

  • Lonxitude 8,8 Km
  • Dificultade Baixa
  • Duración estimada 1h 45min

Afastándonos da cidade, alcanzamos San Vicente do Burgo, onde houbo un hospital de peregrinos. Este tramo da etapa ofrécenos interesantes panorámicas da cidade, que vai quedando detrás. O camiño continúa a través de San Pedro de Mera e Guntín, ata chegar a San Romao da Retorta (municipio de Guntín), a fin desta etapa.

San Vicente do Burgo - San Romao da Retorta