Idioma 
Etapa: Redondela-Pontevedra
Camiño Portugués
Etapa: Redondela-Pontevedra
No centro da ría de Vigo emerxen as illas de San Simón e de Santo Antón e, baixo as súas augas, xacen os restos dos galeóns da batalla de Rande (1702).
Redondela- Arcade
Á saída de Redondela atópase a capela das Angustias. Entramos na parroquia de Cesantes. Á nosa esquerda, ao oeste, a impresionante ría de Vigo. No centro da ría emerxen as illas de San Simón e de Santo Antón e, baixo as súas augas, xacen os restos dos galeóns da batalla de Rande (1702). Ao fondo, pecha a panorámica, entre bateas (cultivos de mexillón), a ponte colgante de Rande. Entramos na parroquia do Viso e chegamos ata Arcade (municipio de Soutomaior), cuxo centro urbano atravesaremos polas rúas de Portas, Lavandeira, Cimadevila, Veleiro, Barroncas…, ata chegar á histórica ponte medieval de Ponte Sampaio, sobre o río Verdugo.
Redondela - Arcade
Arcade- Bergunde
Cando chegamos ao medio da ponte comeza o municipio de Pontevedra. Percorremos a vila de Ponte Sampaio e continuamos por antigos e evocadores camiños empedrados, con tramos da propia Vía XIX, como a subida pola Brea Vella da Canicouva.
Arcade - Bergunde
Bergunde- Pontevedra
Ímonos achegando a Pontevedra a través da Boullosa, Santa Comba de Bértola, a capela de Santa Marta, Tomeza, Casal do Río e O Marco (no Pobo podemos coller o ramal que nos desvía cara á esquerda -tramo complementario-). A rúa Otero Pedrayo e a glorieta de Compostela condúcennos ao santuario da Virxe Peregrina, Rúa Soportais, Praza do Teucro e Rúa Real. Agárdanos o impoñente centro histórico da cidade.
