O Camiño de Santiago

O Camiño de Santiago conta cunha aplicación, desenvolvida por Segitur, Camino de Santiago en Galicia geolocaliza o usuario e permítelle seguir o trazado de cada etapa e ir obtendo información útil sobre os albergues, monumentos e recursos turísticos. A acción enmárcase na colaboración entre o Ministerio de Industria, Enerxía e Turismo e a Xunta de Galicia para impulsar o Camiño de Santiago como Destino Turístico Intelixente. 

Sendegal
Turismo de Galicia ten xa unha aplicación que recompila os sendeiros homologados de todas as categorías. A través da aplicación o Camiño de Santiago dispón xa dunha ferramenta baseada nas novas tecnoloxías dispoñible para todos aqueles que desexen obter información puntual sobre os tramos concretos.En Galicia hai catro sendeiros homologados como GR, isto é, Gran Percorrido: Panorámico de Vigo, Sendeiro das Greas, Rural de Galicia e o Camiño de Santiago

A aplicación ‘Camino de Santiago en Galicia’
A través da aplicación pódese acceder a recursos multimedia e compartir contidos nas redes sociais, así como valorar os recursos a través dun sistema de check-in e puntuación con estrelas. Tamén se pode obter información sobre eventos, meteorolóoxía ou contar con ferramentas como unha brúxula ou unha lanterna. Está dispoñible para Android e proximamente estará tamén dispoñible para IOS.

A aplicación inclúe información sobre nove etapas do Camiño Francés en Galicia en español e mais en inglés: o Cebreiro-Triacastela; Triacastela-Sarria (por San Xil); Triacastela-Sarria (por Samos); Sarria-Portomarín; Portomarín-Palas de Rei; Palas de Rei-Melide; Melide-Arzúa; Arzúa-O Pedrouzo (O Pino); O Pedrouzo (O Pino)- Santiago.