14/set/2019

A Xunta impulsa a celebración do torneo de baloncesto Xacobeo 2021 mediante a convocatoria de proxectos O teu Xacobeo

Santiago de Compostela, 14 de setembro de 2019

 O conselleiro de Cultura e Turismo, Román Rodríguez, participou hoxe en Santiago na entrega de trofeos do Torneo Xacobeo 2021, unha competición entre o Obradoiro CAB e o FC Barcelona Baloncesto. Este partido encádrase nunha iniciativa posta en marcha polo equipo compostelán co obxectivo de potenciar os valores do Camiño de Santiago a través dunha actividade saudable e deportiva.

O torneo, celebrado no Multiusos Fontes do Sar, forma parte de O teu Xacobeo, a convocatoria de proxectos posta en marcha polo Goberno autonómico dotada con 4,7 millóns de euros que permite fomentar aspectos sociais, culturais, deportivos, patrimoniais e gastronómicos con fin de implicar á sociedade no impulso e programación do vindeiro Ano Santo.

Outras novas

Ver todas as novas