O Camiño de Santiago

O Goberno de España destinará un total de 17 millóns de euros ás obras de restauración e conservación da Catedral de Santiago incluídas no seu Plan Director, co obxectivo de frear a súa deterioración e para poñela a punto de cara ao próximo Ano Santo.

Este protocolo, que deberá concretarse en convenios futuros, pon a disposición da Fundación Catedral 17 millóns de euros que poderán utilizar até o final da vixencia do Plan Director, no próximo Ano Santo 2021. Con este montante, sumado ás achegas xa realizadas por distintas entidades, o investimento nas actuacións recollidas no Plan Director da basílica superará os 25 millóns de euros, dos 30 que se consideraron inicialmente necesarios.