Igrexa situada nun pequeno val próximo ao río Pambre. Ten a planta rectangular coa sancristía pegada ao alzado norte do presbiterio, os muros son de cachotaría e cadeirado de granito e a cuberta é a dúas augas co tellado de tella. A capela maior, con cuberta a catro augas, é máis alta e reducida que a nave e no seu interior acháronse a comezos dos anos setenta unhas pinturas murais que permanecera ocultas ata entón. A fachada ten unha porta alintelada e está coroada por unha espadana dun só van.