Edificio de estilo modernista do século XX (1915), pertencente ao conxunto histórico-artístico do Barrio da Magdalena, proxectado por Rodolfo Ucha Piñeiro, un dos grandes arquitectos do movemento modernista de principios do século XX. Presenta unha composición academicista: baseamento, corpo principal de tres alturas e cornixa. Cada altura está delimitada por unha liña de imposta. A planta baixa está tratada como zócolo. As tres alturas cos muros lisos alixéiranse mediante a apertura de grandes vans, dispostos regularmente. Nas plantas primeira e terceira os balcóns son individualizados, mentres que na segunda son unificados de dous en dous. Os materiais empregados son o granito, a cantería e a madeira.

Núcleo urbano.