Construída a finais do século XII, os seus engadidos son do XVIII e XIX; de estilo románico–barroco–neoclásico. Igrexa de pequenas dimensións cunha planta basilical dunha soa nave e unha ábsida rectangular. O tellado da igrexa é a dúas augas. O retablo da capela maior pertence ao estilo neoclásico e nel destaca a imaxe de Santiago peregrino. Igrexa situada no Camiño de Santiago a Fisterra e Muxía.

Dende a capital municipal, saír pola DP-3404 cara á Serra de Outes. Atravesar os lugares de Hospital e O Logoso ata chegar a un cruzamento á man dereita que indica Olveiroa. Entrar na poboación; a igrexa está á man dereita a carón dun conxunto de hórreos e do cruceiro de Olveiroa.