Cruceiro de tipo Crucifixo con plataforma cuadrangular de tres chanzos con voo e cun pedestal cuadrangular achafranado. Leva unha mesa acaroada ao último chanzo.

O varal é circular, sendo de máis sección por abaixo e diminuíndo cara arriba. O capitel é troncopiranidal invertido con follas. A cruz circular presenta a Cristo Crucificado polo anverso con tres cravos e as mans pechadas. Inclina un pouco a cabeza cara á dereita cunha coroa de espiñas e unha cartela coas siglas INRI. O pano de pureza queda anoado á dereita. Polo reverso da cruz fica a Virxe en actitude de orar coas mans en cruz sobre o peito. O cruceiro é todo de granito.