O gran Castelo de Monterrei, sen dúbida un dos máis fermosos de Galicia, ocupa o outeiro perfecto para a contemplación do val que o Támega percorre de norte a sur, e recibe pola dereita as augas do tributario Bubal. Atravesa por Verín o cálido val que é zona vitivinícola e rica en augas mananciais. A zona protexida abrangue todo o curso do río en territorio galego, ata a fronteira portuguesa.
O Támega nace nos altos da Alberguería (Laza) e axiña forma un corredor de bosques de ribeira e estreitos vales de montaña como o de Laza con boa calidade das augas. A zona protexida tamén contempla as veigas e charcas naturais con rica vexetación flotante.

Desde Verín, río arriba pola comarcal OU-113 cara a Laza, río abaixo pola N-532 ata Oímbra.