Política de privacidade e protección de datos persoais

Ao descargar e usar esta aplicación móbil vostede manifesta que leu e acepta as condicións de uso e a política de privacidade. Recomendamos revisar periodicamente as condicións de uso e da política de privacidade.

1) Tratamento de datos persoais.

Esta aplicación móbil non require para o seu uso dun rexistro previo a través do que se recaden datos persoais das persoas usuarias, tales como datos identificativos ou de uso de dita aplicación que permitan identificar á persoa interesada.

2) Permisos móbiles.

A aplicación require para o funcionamento dalgunha das súas funcionalidades, entre outros permisos recollidos no apartado Permisos da Información da aplicación, os seguintes:

• Acceso á localización do seu dispositivo móbil para poder localizalo e amosarlle os marcadores na zona seleccionada.
• Acceso á cámara do seu dispositivo móbil para poder utilizala en modo AR e superpoñer os marcadores sobre as imaxes mentres navega polo mapa.

Na solicitude para activar a xeolocalización ou o acceso a cámara, que se fará de forma individual para cada caso, poderá outorgar o seu permiso para manter á localización ou ó acceso á cámara activos unicamente cando a aplicación estea en uso, mantelos activos sempre (estarán activos aínda que non se estea a facer uso da aplicación) ou non activalos. De rexeitar a súa activación, non poderá facer uso desas funcionalidades; seralle requirido de novo o permiso cando acceda de novo ou queira facer uso da mesma.
A localización e o acceso a cámara só é xestionada pola aplicación dentro do dispositivo, sen que a información sexa facilitada á Axencia de Turismo de Galicia.
Poderá retirar o permiso outorgado ou xestionar as súas preferencias en calquera momento a través da configuración móbil do seu dispositivo.

3) Servizos de terceiros.
Así mesmo, informámoslle que a aplicación usa servizos de terceiros que quizais recaden información utilizada para identificalo. Dos datos que se poidan chegar a recadar a través destes servizos a Axencia de Turismo de Galicia non é a responsable do tratamento; polo que, a persoa usuaria, deberá revisar as condición e políticas de privacidade dos seguintes servizos (prestados por Google):

• Firebase Analytics, rexistro das funcionalidades máis empregadas, número de usuario que usan a app.
• Firebase Crashlytics, rexistro de erros que poidan ocorrer na aplicación
• API de Google Maps