O Camiño de Santiago

A Comisión de Seguridade Viaria, posta en marcha en 2015, nace para garantir a seguridade e mais a tranquilidade dos peregrinos na súa ruta cara a Santiago. As persoas que realicen o Camiño deberán velar así mesmo pola súa seguridade persoal, para o que han de asegurar en todo momento a súa visibilidade, e extremarán a precaución á hora de cruzaren viarias e estradas.

Velaquí as preguntas máis frecuentes que se ha facer quen inicie a peregrinación ou quen se atope en pleno Camiño: que se debe evitar, que facer ante un problema, onde se pode atopar axuda, etc.

Ofrecemos un rápido directorio de enderezos e contactos de interese, indicamos os principais espazos web onde lograr información e o contacto de transportes públicos e teléfonos de emerxencia. O 112 é o número unificado de emerxencias de Galicia.

O Servizo Galego de Saúde conta cun sistema de busca a través da súa páxina web, onde podemos localizar os hospitais, os centros de saúde e as farmacias de calquera municipio de Galicia no que nos atopemos. Con información de contacto, horarios, gardas, etc.

Contacto con todos os municipios de Galicia a través do buscador da Federación Galega de Municipios e Provincias. E recomendacións de Protección Civil ante casos de emerxencia, temporais, nevadas, incendios, ondas de calor e outros.