Congreso Internacional O Futuro da Peregrinación: Camiños en Transformación

Este Congreso, que coincide co 40 aniversario da declaración polo Consello de Europa do Camiño de Santiago como Primeiro Itinerario Cultural Europeo (1987-2027), utiliza a idea de transformación como tema clave para examinar os significados cambiantes da peregrinación e busca cuestionar o concepto situándoo en contextos socioculturais, económicos e ambientais cambiantes. 

 

Prazo límite para o envío 30 de setembro de 2026

O Congreso Internacional O Futuro da Peregrinación: Camiños en Transformación,, que terá lugar en maio de 2027 en Santiago de Compostela, un dos principais destinos de peregrinación do mundo, mirará cara ao futuro e abordará unha gran variedade de temas e cuestións, entre as que se inclúen as seguintes:

  • As relacións entre as rutas de peregrinación e a paisaxe.
  • Precedentes históricos da experiencia de peregrinación, continuidades e rupturas.
  • Peregrinacións seculares, santuarios populares e novas espiritualidades.
  • Motivacións e comportamento de peregrinos e/ou turistas.
  • Patrimonio intanxible dos camiños de peregrinación: rituais, ritos e hospitalidade.
  • A cultura material das rutas e destinos de peregrinación.
  • Representacións cambiantes dos peregrinos e a peregrinación na historia e a cultura popular contemporánea.
  • O peregrino dixital: mundos virtuais e espiritualidade virtual.


Convocatoria de comunicacións

Convidamos a presentar comunicacións desde todas as disciplinas e campos: antropoloxía, arquitectura, arqueoloxía, historia da arte, xeografía cultural, estudos culturais, deseño, etnoloxía e folclore, dereito, economía, historia, estudos do patrimonio, estudos da paisaxe, estudos do ocio, estudos museísticos, filosofía, ciencias políticas, socioloxía, periodismo e comunicación, teoloxía, estudos turísticos e planificación urbana e espacial.
Son benvidos todos os aspectos relativos á peregrinación de todas as relixións -cristianismo, xudaísmo, islam, budismo, hinduísmo, sijismo, sintoísmo, taoísmo etc.-, así como desde unha perspectiva secular.

Como enviar o seu resumo

Pode enviar o seu resumo a través do correo adlimina@xunta.gal

Normas de envío

  • O resumo non debe exceder as 300 palabras e cómpre subilo en formato Word.
  • A duración de cada comunicación será de 20 minutos. O autor pode escribila en galego, español ou inglés.
  • Debe incluír o título, os nomes dos autores e as organizacións/universidades ás que pertencen no documento do resumo.
  • Todos os resumos recibidos antes da data límite serán revisados ​​polo Comité Organizador do Congreso.

Prazo límite para o envío

30 de setembro de 2026