O Camiño de Santiago

Século tras século os camiños víronse poboados por esta famélica marea humana á que cómpre darlle solución. De certo que non se pode acabar coas causas orixinais das grandes fames, como foron as continuas guerras, a inclemencia da meteoroloxía ou os desastres naturais, pero as distintas vilas e cidades a onde chega esta marea tentan paliar a situación creando centros de beneficencia para acubillar estes pobres, onde eran acollidos e se lles repartía a ración diaria.