Os sendeiros situados na illa Jeju, un lugar vacacional representativo de Asia, Patrimonio Mundial da UNESCO, fascínannos con magníficas paisaxes: mar, Oreum (pequenos volcáns extintos que son parecidos a pequenos montículos e outeiros), muros de basalto negro, campos verdes durante todo o ano, flores que se pode atopar a beira das rúas, árbores de mandarinas laranxas e etc.

O Camiño Jeju Olle foi creado conservando os elementos naturais, non é un sendeiro cómodo equipado con todas as conveniencias como paseo urbano. É máis, camiñar este sendeiro custaralle un pouco, debido a que se consiste en camiños serpenteantes e intactos, que garda a natureza. Con todo, os senderistas do Camiño Jeju Olle gozan da natureza, a cultura única de Jeju, aguantando un pouco de inconveniencia e adversidade, e regresan á súa casa atopando a felicidade e paz interior interactuando cos residentes da illa.

Suh Myeung-Sook, a presidenta da Fundación Jeju Olle dedicaba ao xornalismo, como a redactora xefa, deixou a súa carreira profesional de xornalismo de 20 anos, e iniciou a súa peregrinación propia percorrendo o Camiño de Santiago. Ao final da súa peregrinación coñeceu a unha senderista de Inglaterra, e elas prometeron crear camiño similar ao de Santiago nos seus países, para compartir a paz e a felicidade que gozaran no Camiño de Santiago con outras persoas.

Para crear o Camiño Jeju Olle, a Fundación de Jeju Olle busca e conecta camiños baixo un principio: os camiños deben ser tomados por residentes no pasado, ser camiños non pavimentados que conservan a natureza, e mostrar a paisaxe e a cultura de Jeju intactamente. O  sendeiro cruza propiedades públicas e privadas.  A maioría dos propietarios estaban dispostos a abrir a súa propiedade privada para os que visitan a illa Jeju.

Neste sentido, o Camiño Jeju Olle non é un roteiro turístico que ostenta unha linda paisaxe, senón un lugar onde se harmoniza a vida diaria e a conciencia. Desta maneira, este sendeiro foi convertido nun sendeiro belo e pacífico, e un sendeiro para o percorrido máis lento concentrándose na paisaxe tan fermosa. Os creadores deste sendeiro desexan que todos os senderistas alivien o estrés e a ansiedade e obteñan a calma, felicidade e a paz interior paseando por el.

Unha vez terminada a ruta en Jeju, o Certificado poderase conseguir na propia illa, mentres que en Santiago de Compostela, o peregrino poderao recibir na Oficina de Turismo situada no Centro Internacional de Acollida ao Peregrino, no mesmo edificio onde a Igrexa de Santiago expende a " Compostela".