5/dec/2022

A Xunta reforza o servizo do ‘Xacobeo Transfer’ entre A Guarda e Caminha tras superar os 7.000 usuarios de 40 países desde a súa posta en marcha

  • Destaca que as cifras turísticas de récord deste ano están beneficiando ao conxunto do territorio

A Guarda (Pontevedra), 5 de decembro de 2022

 O presidente da Xunta, Alfonso Rueda, participou hoxe na viaxe de estrea da nova embarcación que se incorpora ao servizo Xacobeo Transfer, que desde a súa posta en marcha en abril permitiu a máis de 7.000 usuarios de 40 países cruzar entre A Guarda e Caminha (Portugal) a través do río Miño.
 
A iniciativa, impulsada pola Xunta de Galicia e a Asociación Galega de Actividades Náuticas (AGAN+), naceu para dar servizo tanto aos peregrinos que percorren o camiño Portugués da Costa como aos propios veciños. A nova embarcación, con 12 prazas, dobra en capacidade ás que xa están operativas e, ademais de ser sustentable, incorpora servizos moi demandados polos usuarios, como espazo para bicicletas ou para as mochilas dos peregrinos.
 
Para facilitar o seu uso, está activo un servizo de atención telefónica en castelán, portugués e inglés; unha web específica www.xacobeotransfer.com dispoñible en 8 idiomas; e un sistema de reservas.

Outras novas

Ver todas as novas