22/abr/2010
Pedrafita do Cebreiro
Visitamos coa nosa cámara Pedrafita do Cebreiro (Lugo), a porta de entrada a Galicia polo Camiño Francés. O tramo de subida ata aquí é fatigoso, pero o esforzo vese compensado cunha panorámica espectacular das serras dos Ancares e do Caurel. Estamos nunha pequena aldea onde a Galicia prerromana e pagá fúndese co misticismo relixioso do Camiño de Santiago.