O Camiño de Santiago

A Consellería de Cultura, Educación e Ordenación Universitaria está a traballar no expediente de delimitación do Camiño de Santiago Inglés ao seu paso por Galicia. O obxectivo desta medida é garantir a mellor protección dos lugares, edificios e paraxes polos que discorre esta ruta xacobea.

O Camiño Inglés discorre por 18 concellos: A Coruña, Abegondo, Betanzos Cabanas, Cambre, Carral, Culleredo, Fene, Ferrol, Mesía, Miño, Narón, Neda, Ordes, Oroso, Paderne, Pontedeume e Santiago. A Dirección Xeral do Patrimonio Cultural leva traballando moito tempo na delimitación desta ruta, seguindo o mesmo procedemento que se realizou co Camiño Francés e o Camiño Primitivo ou de Oviedo. Como vén sendo habitual, contrastáronse os estudos históricos e información cartográfica, tanto histórica como actual.

Unha vez rematen as reunións técnicas cos alcaldes dos municipios implicados, o trazado será contrastado coa Sociedade Anónima de Xestión do Plan Xacobeo e coa Asociación dos Concellos do Camiño Inglés. Así mesmo, a continuación someterase ao informe do Comité Asesor so Camiño de Santiago.