O Camiño de Santiago

O Congreso dos Deputados acolleu o acto de constitución da Asociación Parlamentaria Amigos do Camiño de Santiago. Acto que foi presidido polo presidente do Congreso de Deputados, Jesús Posada, contou tamén coa participaron do presidente do Senado, Pio García-Escudero, outros deputados de diferentes grupos parlamentarios, a directora de Turismo de Galicia, Nava Castro, o xerente do Xacobeo, Rafael Sánchez, e diversos representantes das Asociacións de Amigos do Camiño.

A Asociación Parlamentaria de Amigos do Camiño de Santiago, que estará integrada por deputados e senadores de todos os grupos parlamentarios, xurde co obxectivo de poñer en valor a Ruta Xacobea e constituír un vínculo de coñecemento, apoio e colaboración entre as Comunidades Autónomas e as poboacións polas que transcorre. Deste xeito, esta iniciativa contribuirá a preservar e divulgar este enorme patrimonio.

A iniciativa pretende fomentar un foro de encontro, entendemento e espazo común sobre o Camiño de Santiago.