O Camiño de Santiago

A Xunta de Galicia anunciou a aprobación do decreto polo que se concede o título de Embaixador de Honra do Camiño de Santiago ao presidente do Goberno, Mariano Rajoy.

O Plan integral de Turismo de Galicia recolle estes nomeamentos co obxectivo de posicionar o Camiño de Santiago como referente a nivel internacional. Este recoñecemento outórgase a persoas que, pola súa labor, polo seu compromiso, polo seu coñecemento e pola súa divulgación, considéranse que son claves para exportar a cultura e os valores do Camiño de Santiago.

Ata agora xa se tiñan distinguido con este título ao entón Príncipe de Asturias, antes de ser nomeado Rei Felipe VI, e ao adestrador da selección española de fútbol, Vicente del Bosque. Agora súmase a eles Mariano Rajoy, “polo seu apoio constante aos camiños de Santiago e, sobre todo, por anunciar e comprometer un investimento por parte do Goberno central para a rehabilitación integral da Catedral de Europa: a Catedral de Santiago.