O Camiño de Santiago

O arcebispo de Santiago e o presidente da Xunta de Galicia inauguraron o Centro Internacional de Acollida aos Peregrinos, que ocupará parte do edificio do antigo asilo da rúa Carretas.

O edificio, que foi rehabilitado pola Fundación Catedral grazas a un convenio con Turismo de Galicia, comezará a funcionar a partir do mes de xaneiro.

Esta obra, que leva consigo a recuperación do edificio do antigo Asilo da rúa de Carretas de Santiago de Compostela, contará coas seguintes instalacións: espazo de atención aos peregrinos en diversas linguas, Biblioteca de Estudos Xacobeos, zona e oficina de información turística sobre o Camiño de Santiago e Galicia, zona para as asociacións de amigos do Camiño, área de administración e información, centro interconfesional, salón de actos e capela. Así como cunha zona de servizos para os peregrinos e coa propia Oficina do Peregrino do Cabido da Catedral de Santiago.