Abre todo o ano, excepto as fins de semana. Este edificio neoclásico mandouno construír o arcebispo Bartolomé Raxoi para albergar aos nenos de coro, acólitos e sacerdotes; e ademais destinarse a concello e cárceres. A súa construción correu de man do enxeñeiro francés Charles Lemaur durante o S. XVIII e estivo acompañada de gran polémica e litixios co administrador do veciño Hospital Real, que argumentaba que o novo edificio privaría ao hospital de luz natural, e dos servizos de entrada, saída e da ventilación necesaria dos cuartos dos enfermos. O edificio recolle claramente na súa estrutura, os postulados do neoclásico francés. A fachada principal que dá á Praza do Obradoiro presenta un esquema simétrico, que se ordena a través dun frontón central triangular e dous frontóns semicirculares laterais, que descansan sobre columnas xigantes de orde xónico. No central aparece un releve representando a batalla de Clavijo que cobre o tímpano, sobre o que se sitúa o grupo escultórico de Santiago Apóstolo a cabalo, obras de José Ferreiro. Na actualidade, é sede do Concello e da Presidencia do Goberno Autonómico.

Na zona monumental da cidade de Santiago de Compostela.