Situado na ruta xacobea do Camiño Inglés, as súas orixes remóntanse ó reinado de Ramiro I, a mediados do s.IX. Cos Condes de Traba, a mediados do s.XI terá un novo auxe, aínda que a súa época de maior esplendor será no XII cando se incorpore á orde de Clunny, edificándose a Igrexa románica. A edificación do actual mosteiro de San Martiño do Couto é obra de comezos do s.XII. Xunto ó mosteiro, declarado Monumento Artístico Nacional polo Ministerio de Cultura, atópase a igrexa de San Martiño, cunha construción do s.XII, se ben a súa fachada e torre son do s.XVIII.