A comarca denominada significativamente Terra de Montes está formada por paisaxes de media montaña entre as que O Candán é unha das súas serras máis extensas. A altura máxima do espazo apenas toca osmilmetros, pero a súa media altitudinal é suficiente para lle imprimir unha singular personalidade entre as elevacións da Dorsal Galega.
Aquí teñen o seu nacemento os ríos Lérez, Umia e varios tributarios do Deza. Os cumes están dominados pola vexetación dasmatogueiras e agrestes afloramentos rochosos. Son espazos de horizontes abertos con escasos núcleos de poboación, con boas mostras da arquitectura popular e patrimonio artístico como o mosteiro de Aciveiro, reconvertido en Hotel Monumento.

Desvío na estrada N-541Ourense- Pontevedra. Acceso polo norte desde Silleda.