A nave é rectangular, con ábsida semicircular. Os muros que a conforman son de cachotería e cantería de granito, con cuberta de tella a dúas e catro augas. A sancristía está apegada á cabeceira. O arco triunfal que separa a nave do presbiterio é de medio punto. Destaca desta igrexa a fronte, de estilo neoclásico, realizada no ano 1818. Está conformada por catro pilastras, unha sobria cornixa e un frontón partido, do que arranca a base que sostén a torre. Esta é de forma cadrada, cun segundo corpo octogonal, coroado por un cupulín.

No centro histórico da vila de Chantada.