Edificio modernista de Rodolfo Ucha Piñeiro, un dos máis representativos arquitectos dese movemento en Galicia, quen deixou na cidade de Ferrol numerosas mostras da súa arte. Pertence ao conxunto histórico-artístico do barrio da Magdalena. Consta de planta baixa e tres alturas. O primeiro piso ten un balcón de ferro forxado entre dúas pequenas galerías de madeira, os outros dous pisos galerías corridas (pilastras con motivos xónicos e decoración de arquivoltas nas cristaleiras). A porta de acceso está enmarcada por magníficas pezas de cantería.

Núcleo urbano.