Edificio proxectado por Manuel Gómez Román en 1924 e destinado a Caixa de Aforros. O contratista foi José Araújo Pérez. É un edificio de corte clásico academicista cun potente zócolo, elevadas pilastras que abarcan dúas plantas, zapatas decoradas con elementos vexetais, arquitrabe e unha pronunciada cornixa que abarca todo o edificio. Destaca un corpo torreado no chafrán con tres frontes, pequenos vans e un ático a modo de frontón co escudo de Vigo.