Edificio proxectado en 1908 por Jenaro de la Fuente Domínguez. É un edificio ecléctico con catro plantas e faiado tamén simétrico e un ancho corpo central, algo saínte, con catro vans enmarcados en almofadados. O edificio está dividido en tres corpos, con balcóns corridos en todos eles, e unha distribución uniforme dos vans. Ten tamén unha gran cornixa con peitoril ornamentado, e remata cun arco semicircular terminado en palmeta e unha orla onde está gravada a data "1909".