Pazo situado no casco histórico da vila de Betanzos, construído no século XV e reconstruído no XVI. Conserva os antigos arcos oxivales do soportal, que nun principio se adiantaban á fachada e que posteriormente foron invadidos para ampliación da vivenda, momento no que se lle incorpora o brasón que a preside. No século XVIII realízase outra reforma na parte lateral e anterior e colócase o escudo situado sobre a porta da cocheira.

No núcleo urbano.
Accesibilidade ás inmediacións: autobús.
Accesibilidade ao recurso: coche, peatonal.