FERVENZA DO POMBAR
No Camiño de Santiago
Localización
Parroquia: Outeiro (Santa María)
Quiroga - Lugo
Coordenadas: 42º 32' 05.8" N - 7º 08' 38.5" W
Descrición
Partindo de Quiroga collemos a estrada LU-P-5001 cara ao lugar da Cruz de Outeiro. Pouco antes de chegar veremos, na marxe esquerda da estrada, unha frecha de madeira que sinala o comezo da pista pola que deberemos descender 920 m para chegar á fervenza do Pombar .
Na primeira parte da baixada camiñaremos entre soutos, por unha pista ancha, pero pouco a pouco converterase nun sendeiro estreito e pedregoso, complicando moito o descenso.
IMPORTANTE: Haberá momentos nos que teremos que axudarnos das mans para baixar de forma segura á ida e trepar á volta. Trátase polo tanto dun lugar cuxo acceso presenta certa dificultade.
Camiños de Santiago
Camiño de Inverno
Data de recollida inicial: 01/06/2021