O Camiño de Santiago

O Cabido da catedral de Santiago anunciou que a partir de agora ofrecerá a Compostela a todos aqueles peregrinos que percorresen o Camiño de Santiago, independentemente de que expresen a súa fe relixiosa. Así o anunciou o deán da Catedral de Santiago, Segundo Pérez, na presentación do novo modelo de deseño que disipa as diferenzas de aspecto, aínda que o texto, en latín, especifica se hai fe relixiosa ou simplemente outros motivos.

Á súa chegada a Santiago, os peregrinos recibirán unha nova Compostela, que substitúe á que se viña entregando desde os anos oitenta. A nova loce unha greca do Breviario de Miranda, do século XV; unha reprodución da imaxe do Tumbo A, que representa o descubrimento da arca polo bispo Teodomiro; e o Iacobus doCódice Calixtino. No seu texto en latín, engadiuse a especificación de percorrer os últimos 100 quilómetros a pé ou os últimos 200 quilómetros en bicicleta ou a cabalo.

Desde agora tamén hai a opción de adquirir por tres euros outro certificado en castelán, galego ou calquera outro idioma que precisa o percorrido efectuado.

+info: Oficina do Peregrino