De planta irregular, está limitada pola fachada do mosteiro de San Martín Pinario, o Palacio Arcebispal, o arco de baixada á Praza do Obradoiro e a fachada da Acibechería da catedral. No lugar da portada románica, centro dos mercados medievais, levántase no século XVIII a nova fachada Norte, iniciada por Ferro Caaveiro e Fernández Sarela e continuada por Monteagudo. O nome de Acibechería, que tamén leva a rúa que desemboca na praza, ten a súa orixe nos talleres onde se traballaba o acibeche. Desde o s. XIII Santiago tiña o monopolio da fabricación de pezas deste material.

Núcleo urbano. Centro histórico.