Os últimos 100 kms do Camiño RURAL
Goza ó máximo da natureza ao redor do Camiño de Santiago Francés con este circuíto. Sete días nos que gozarás de aloxamento en casas rurais e pazos.
Desde ...
690€
7 días
Oferta de:

Teléfono: +34 622 281 658

Correo electrónico: galicianroots@gmail.com

Para reservar

Teléfono: +34 622 281 658

Correo electrónico: info@galicianroots.com

IVE
Transporte
Seguro de viaxe

Goza ao máximo da natureza ao redor do Camiño de Santiago con este circuíto. Ofrecémosche despois de cada etapa aloxarche en casas rurais e pazos onde gozarás dun descanso máis que merecido. Os nosos aloxamentos atópanse no interior de Galicia, rodeados de grandes paraxes naturais onde reina unha tranquilidade sen igual. Gozarás dunhas comodidades de gran calidade e unha gastronomía de primeira.

  • Os últimos 100 kms do Camiño RURAL

    ITINERARIO

    Día 1
    Sarria
    Chegarás a Sarria onde pasarás a noite para comezar o día seguinte coa primeira etapa deste tramo.

    Día 2
    Sarria  Portomarín 24kms
    Nesta etapa comezan os últimos 100kms a Santiago. Despois de cruzar Sarria e seguir o seu sendeiro arborado afrontarás a primeira subida do día ata chegar a Barbadelo. Seguirás pasando por varios pobos con vistas ós verdes prados ata baixar por un sendeiro pedregoso para finalmente alcanzar Portomarín cruzando a ponte con vistas o Río Miño. Pasarás a noite en Portomarín.

    Día 3
    Portomarín – Palas de Rei 25kms
    A etapa de hoxe levarate primeiro a cruzar un bosque de pinos e despois bordeando a estrada varias aldeas, entre as que compre destacar Castromaior onde se encontran os restos dun castro prerromano. Antes de chegar a Ligonde atoparás o Cruceiro de Lameiros, un dos máis coñecidos do Camiño. Despois de cruzar a Serra de Ligonde chegarás ata Palas de Rei onde poderás visitar a igrexa de San Tirso. Durmirás en Palas de Rei.

    Día 4
    Palas de Rei  Arzúa 29kms
    Esta etapa é a máis longa pero pasarás por varios pobos de interese. Encontraraste coa aldea de Furelos, a súa ponte medieval e as súas casas de pedra ata chegar a Melide. Unha vez alí si o desexas poderás visitar o Museo da Terra de Melide e a súa igrexa. Tras pasar por un bosque de eucaliptos cruzarás o paso empedrado do Río Catasol, un dos máis coñecidos e fotografados do Camiño. A nosa ruta segue por bosques e pistas preto as pequenas aldeas rurais. Chegarás a Arzúa onde poderás degustar os produtos típicos desta zoa como son o queixo de Arzúa-Ulloa con denominación de orixe, xamón, empanada galega e máis variedades de embutidos da zoa. Esta noite descansarás en Arzúa.

    Día 5
    Arzúa  Pedrouzo 19kms 
    Esta penúltima etapa caracterízase por pendentes sinxelas poboadas de sendeiros atravesando prados e arroios sen perder de vista a estrada. Tamén cruzarás varios bosques de eucaliptos típicos da zoa. Antes de chegar a Pedrouzo poderás visitar a ermida de Santa Irene datada da idade media. Descansarás en Pedrouzo.

    Día 6
    Pedrouzo  Santiago 20kms
    A túa última etapa ata chegar a Santiago farate subir ata o Monte do Gozo dende onde terás unha panorámica da Catedral antes de seguir o teu percorrido por chan urbano. Pasarás por varias urbanizacións antes de chegar o casco antigo da cidade e por fin a Praza do Obradoiro coa Catedral de Santiago enfronte. Esta ruta permitirache solicitar a Compostela na oficina do peregrino. Pasarás a noite en Santiago.

    Día 7
    Santiago
    Despois do almorzo finalizarán os nosos servizos. Poderás visitar a Catedral e se o desexas asistir a misa do peregrino oficiada cada días ás 12h.

    Se o desexas tamén podes contratar un seguro de viaxe con nós dende 16€ (IVE incluído) para os 7 días de viaxe. Baixo previa contratación ofrecémosche tamén visitar as distintas cidades galegas (Santiago, Lugo, Coruña e Ourense) ou trasladarte o aeroporto para retomar o teu voo de volta. 
    O transporte de equipaxe inclúe unha maleta de 15-20 kgs por persona. Se desexa engadir máis equipaxe non dubide en contactarnos.

CAMIÑO DE SANTIAGO

Servizos incluídos:

7 días / 6 noites en casas rurais e pazos

Almorzos

Almorzo reforzado

Ceas con bebida e sobremesa

Non inclúe cea en Santiago

Transporte de equipaxe

1 maleta de 15-20  kgs por persoa

Credencial do peregrino

Traslados desde os pobos ata as casas e vice versa

Asistencia telefónica en viaxe

Caderno de viaxe

Perfís das etapas e mapas

IVE

Ver máis plans de...