Axenda de Eventos

Exposición
Música das formas
Do 1 abril ao 31 agosto | MARCO - Museo de Arte Contemporánea Vigo
Comeza:
1 abril | 11:00
Remata:
31 agosto | 21:00
Onde:
MARCO - Museo de Arte Contemporánea Vigo

Glenda León (A Habana, Cuba, 1976), que estudou ballet clásico, filoloxía e historia da arte na Habana, comezou a expoñer en 1999. A propia artista sinalaba nunha entrevista en 2013: "A música foi unha fonte de inspiración para min desde moi nova. Por iso quixen ser coreógrafa durante moitos anos. Entón deime conta de que o ingrediente principal destas ideas coreográficas da época era o visual". Ese é o núcleo deste proxecto e da súa obra; a síntese entre os sons e o visual.

En palabras do comisario da mostra, José Jiménez, "hai un dinamismo que brota do diálogo coas formas do son, da música, que está xa presente desde a época en que se produciu a invención cultural da arte, na Grecia Clásica. E é tamén nese contexto onde se percibe a relación entre os sons musicais e os movementos dos astros, o que Pitágoras denominou "harmonía do cosmos" ou "música das esferas". A música das esferas lévanos á música deste mundo, no que vivimos: de arriba abaixo, e de abaixo a arriba. Son estas cuestións centrais para situar a traxectoria e o traballo artístico de Glenda León".

Tipo de evento: Exposición