Camiño Primitivo

Etapa: Arzúa - Arca (O Pino)

  • Lonxitude 18,4 Km
  • Dificultade Baixa
  • Duración estimada 2h 45min

Neste tramo o Camiño intérnase de novo entre prados, carballos e eucaliptos que arrodean pequenas aldeas, algunhas con topónimos de resonancia xacobea: A Calzada, A Calle, Ferreiros, A Salceda, A Brea, Santa Irene e A Rúa, esta xa ás portas de Arca, capital do concellos do Pino, o último antes de Santiago.

 

Arzúa - A Salceda

  • Lonxitude 11,1 Km
  • Dificultade Media
  • Duración estimada 2h 45min

Saímos da vila de Arzúa pola rúa do Carme. Nesta etapa alternaremos a paisaxe de bosques e prados (carballos, eucaliptos, árbores froiteiras e campos de labranza) con tramos polo asfalto da estrada nacional 547.

Convén prestarlles unha especial atención aos vehículos, pois teremos que cruzar varias veces pola calzada.

Cruzamos o río Raído e logo varias aldeas —Cortobe, As Pereiriñas, A Taberna—, algunhas con resonancia xacobea como A Calzada, A Rúa, Ferreiros (de novo a referencia ao vello oficio dos que, entre outras funcións, arranxaban as ferraduras dos cabalos) ou A Salceda.