Camiño Francés

Etapa: Triacastela - Sarria (por San Xil)

  • Lonxitude 18 Km
  • Dificultade Media-Baixa
  • Duración estimada 3h 30min

Desde Triacastela, pasando por San Xil , o camiño discorre rumbo a Sarria a través dunha cadea de pequenas localidades de tradición xacobea, como A Balsa, Montán, Pintín, Calvor e San Mamede do Camiño.

A variante de Samos desvíase cara ao sur pola contorna do río Sarria, e ofrece fermosas paisaxes e numerosos exemplos da arquitectura popular galega. Diríxese ao Mosteiro de Samos, un dos máis antigos de Occidente (século VI).

Etapa Triacastela-Sarria por San Xil

Triacastela- San Xil

  • Lonxitude 3,4 Km
  • Dificultade Baixa
  • Duración estimada 40min

O percorrido parte do albergue de Triacastela cara ao centro da vila, e pasa pola igrexa de Santiago e o seu camposanto para chegar ao antigo hospital de peregrinos, onde unha frecha indica a dirección que hai que seguir.

Unha vez pasados a estrada xeral e o parque infantil, hai un sinal indicativo do camiño a San Xil, á dereita e costa abaixo; a variante de Samos tómase na dirección oposta, cara á esquerda.

Triacastela - San Xil

Limpar Buscar
Pechar

Igrexa de Santiago de Triacastela

San Xil

San Xil- Aguiada

  • Lonxitude 10 Km
  • Dificultade Baixa
  • Duración estimada 2h 00min

Se optamos por esta variante de San Xil, a ruta preséntase en baixada ata Aguiada. O camiño pasa polas pequenas aldeas de Montán, Fontearcuda e Furela, e regálanos fermosas paisaxes de bosque autóctono. Desde Furela dirixímonos ata Pintín. Antes de chegar a Aguiada, achegarémonos a Calvor, xa no municipio de Sarria. A ruta pasa por diante do albergue da Rede Pública de Albergues do Camiño de Santiago en Galicia.

San Xil - Aguiada