Camiño Francés

Etapa: Portomarín - Palas de Rei

  • Lonxitude 25 Km
  • Dificultade Media
  • Duración estimada 5h 55min

Desde a aldea de Gonzar, o camiño continúa por Castromaior e Ligonde, cuxo hospital acolleu o emperador Carlos I e o seu fillo Filipe II, os máis coñecidos peregrinos do século XVI.

Inmediatamente despois, a ruta intérnase en terras do municipio de Palas de Rei, que lle debe o seu nome a un suposto palacio real construído nas súas inmediacións.

Portomarín- Gonzar

  • Lonxitude 8,1 Km
  • Dificultade Media-Alta
  • Duración estimada 1h 35min

Sáese de Portomarín cruzando o encoro por unha ponte para viandantes.

A partir de aí empeza unha subida bastante intensa, seguindo o curso da estrada ata chegar a Gonzar, coa súa igrexa e o seu albergue, situado ao pé do Camiño.

Gonzar- Vendas de Narón

  • Lonxitude 5,2 Km
  • Dificultade Media
  • Duración estimada 1h 20min

Desde Gonzar séguese ata Castromaior, coñecido pola súa igrexa románica, situada á beira dun pequeno arroio e próxima aos restos dun antigo castro.

Continúa logo cara ao Hospital, cruza unha ponte sobre a estrada xeral e desemboca nunha vía comarcal de camiño a Vendas de Narón.

Gonzar - Vendas de Narón