Camiño de Fisterra-Muxía

Etapa: Santuario da Virxe da Barca (Muxía) - Lires

  • Lonxitude 15,3 Km
  • Dificultade Media-Alta
  • Duración estimada 3h 50min

Culminamos a etapa ata Lires sempre acompañados polo mar e por praias impoñentes.

Santuario de la "Virxe da Barca"- Muxía

  • Lonxitude 0,7 Km
  • Dificultade Baixa
  • Duración estimada 10min

Saímos do Santuario da Virxe da Barca, de forte tradición xacobea, e do seu contorno de "pedras santas", ás que se lles atribúen propiedades curativas, cara a Muxía, bordeando o Monte Corpiño polo “Camiño da Pel”, topónimo que alude a unha desaparecida fonte na que se aseaban os peregrinos. Na parte baixa do monte, entrando xa na localidade de Muxía, chegamos á igrexa de Santa María, construída en estilo gótico-mariñeiro na segunda metade do século XIV.

Santuario da Virxe da Barca - Muxía

Muxía- Facho de Lourido

  • Lonxitude 3 Km
  • Dificultade Media
  • Duración estimada 45min

Saímos de Muxía polas rúas Campo das Pinas, Os Malatos e Enfesto. Bordeando a praia de Lourido chegamos á aldea de Xurarantes e ao Facho de Lourido, antiga atalaia onde os veciños acendían fogueiras para avisar dos perigos que axexaban estas costas.

Muxía - Facho de Lourido