Camiño do Norte

Etapa: Vilanova de Lourenzá-Abadín

  • Lonxitude 25,3 Km
  • Dificultade Media
  • Duración estimada 6h 25min

Os nosos pasos, primeiro en costa pronunciada e logo xa en descenso, seguen unha antiga senda medieval que cruza o fermoso val de Lourenzá e pasa por Mondoñedo, un dos núcleos históricos máis singulares de Galicia.

Lourenzá- San Pedro da Torre

  • Lonxitude 4,9 Km
  • Dificultade Media
  • Duración estimada 1h 15min

Saímos de Vilanova de Lourenzá, camiño de Mondoñedo. Os nosos pasos, primeiro en costa pronunciada e logo xa en descenso, seguen unha antiga senda medieval que cruza o fermoso val de Lourenzá, o coñecido como Camiño da Brea (do latín Boreas, “vento do norte”, que pasou ao galego como “brea”, que significa “vento forte e con choiva”).

Entramos no termo municipal de Mondoñedo e pasamos por aldeas como Arroxo e Ogrobe, boa parte delas con acolledoras capelas visitables. Camiñamos paralelos á estrada nacional 634. A continuación, alcanzamos San Pedro da Torre.

Lourenzá - San Pedro da Torre

San Pedro da Torre- Mondoñedo

  • Lonxitude 3,8 Km
  • Dificultade Media
  • Duración estimada 1h 00min

Deixando atrás San Pedro da Torre e a súa capela chegamos aos lugares do Reguengo e San Paio. A continuación éntrase na cidade de Mondoñedo polo barrio de San Lázaro.

San Pedro da Torre - Mondoñedo